أحمد حلمي يؤكد: لم انتقد زميلي العزيز محمد رمضان

شاهد كيف سخر أحمد حلمي من سيارات محمد رمضان

 

وضح الفنان أحمد حلمي عبر صفحته الرسمية على “فيس بوك” سوء الفهم الذي حدث بعد نشره بوستا منذ يومين به صورته وهو راكب عربيته القديم والذي فهمه الجميع أنه انتقاد لمحمد رمضان بعد أن نشر صوره مع سيارتيه الفارهتين.

 

وقال حلمي في بوست اليوم: “أعزائي الكرام .. توضيح بسيط وسريع بخصوص ما حدث بعد نشر الصوره بتاعتي وأنا راكب العربيه الميني القديمة اللي كانت معايا في فيلم ظرف طارق.. و اللي الناس فهمت إنها بغرض إني بوجه رساله لزميلي الفنان “محمد رمضان” وهذا ما أحزني كثيرا.”

 

وأضاف:”يا جماعه أنا لو عايز أوجه رسالة لأي حد أعرفه كويس أو حتى معرفوش مش هاعمل كده على مواقع التواصل الاجتماعي .. لأني عمري ما عملت كده أبدا لأني ببساطة ممكن أبعتله رساله علي موبيله أو هاكلمه في التليفون” .

 

واستطرد:” أما الكلام اللي كان مكتوب تحت الصوره اللي كتير من الناس معرفش إزااااااااي بجد فسروه بالطريقة دي مع إنه فعلا ما يخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا و ليه علاقة بالعربية الميني .. علشان كده نهيت الكلام المكتوب بـ ” ده كلام في سرك ….. ششش”.

 

واختتم حلمي قائلا:” حقيقي حزنت بسبب حالة الخناق الرهيبة اللي حصلت اللي مالهاش أي أساس من الصحة.. ياجماعه إنتوا جمهورنا اللي بنستقوي بيكوا و إحنا من غيركوا والله مالناش أي لازمة.. انتوا سر قوتنا فأرجو أن تقوونا ببعض .. زميلي العزيز محمد رمضان… ربنا معاك و يوفقك دايما و تحقق كل اللي نفسك فيه في حياتك الفنيه” .

 

للمزيد:

بالصورة: كيف رد محمد رمضان على منتقدي سيارتيه الفارهتين

شاهد كيف سخر أحمد حلمي من سيارات محمد رمضان

شاهد صور سيارات محمد رمضان التي أستفزت جمهوره

مواضيع متعلقة

اترك رداً

This site uses Akismet to reduce spam. Learn how your comment data is processed.